［成報］楊怡箍煲不屑以小制大

無線台慶劇《名媛望族》昨搞宣傳活動，眾演員一齊玩遊戲，最難得是一向低調的劉松仁（松哥）都玩埋一份。無線安排「三對半新人」穿婚紗和禮服進場，分別是馬賽配周志文、朱晨麗配馬國明和吳卓羲、松哥配楊怡。

馬國明解釋吳卓羲在劇中失蹤一段日子，他得以乘虛而入奪得朱晨麗，他對吳卓羲說：「我娶到佢個人，你娶到佢個心。」吳卓羲只笑不語。不知是刻意安排抑或臨場隨意之舉，影大合照時，吳卓羲站在最後排側邊的二線位。到玩「愛情考驗之愛情錯摸」環節時，眾男演員要做出韓星PSY的馬舞甫士，松哥率先做，吳卓羲卻矇查查表示唔識點擺，結果要陳榮峻教路才完成。最後環節「情牽一線」中，松哥手持紅色繡球，從韓馬利、江美儀、楊怡和賈曉晨當中，選出一位最愛，將繡球交到對方手中，松哥卻相當識做，每人都遞一遞，顯示個個都愛。

吳卓羲大合照企二線位

楊怡昨被問到穿上婚紗有否結婚衝動，她說：「呢種場面見得多，唔會引起結婚念頭，但我認為女人二十五歲結婚生仔最好，同仔女年齡唔會拉得太遠。」對於被質疑是想藉孩子箍住男友，她笑道：「點會係男友，係箍都係老公啦，但我覺得唔應該用小朋友去箍住對方，小朋友係愛情結晶品，係上天嘅禮物。」至於其緋聞男友羅仲謙是否其合適對象，她說：「佢幾好，但我需要時間睇睇先。」羅仲謙又有新聞，被傳偷食及有相為證，楊怡護郎道：「我信佢，個啲係舊相，都係炒作嘅，我冇問過佢呢件事，因為佢係我信任嘅人。」

娛樂新聞報道