-
-
名媛望族 Silver Spoon, Sterling Shackles – SuddenWeekly872
12/04/13［忽然1周#872］楊怡好架勢 早幾日復活節假期，媽咪姐同唔少香港人一樣外遊嘆咗幾日，但食買玩之餘媽咪姐都有做嘢，就係順道去片場探下班，八下有乜過癮嘢。 媽咪姐今次去嘅係上海松江區車墩影城，唔去猶自可，入到去見到個個熟口熟面。原來無綫新劇《名媛望族》開緊工，劉松仁同五位「太太」韓馬利、陳玉蓮、江美儀、楊怡、賈曉晨仲有同劇嘅馬國明等日日都由朝開到晚。 話明《名媛望族》，梗係女人戲啦，劇情係點仲未知，但戲外淨係睇幾個女人嘅比拼已經好精彩。大家咪以為年資愈耐愈有派頭，實情係三十出頭嘅「四太」楊怡最「疊馬」，事無大小都有三名助手貼身侍候，出出入入例牌有人擔遮不特止，無論斟茶遞水定補妝抹汗，完全唔使勞煩自己纖纖玉手，呢啲咪係一姐風範囉！反觀其他「太太」只係獨來獨往，連櫈都要自己拎呀，陰功！ 所以話啫，做「四太」唔緊要，得寵咪得囉，我哋香港賭王一家都有辦你睇啦！ 同場加映：馬仔玩死人 4月 9日《名媛望族》拍攝片頭，個個上馬之後係威係勢，但實情係啲馬仔唔係隻隻咁聽教聽話，有啲仲發老脾，搞到一班演員鬼咁尷尬。
-
名媛望族 Silver Spoon, Sterling Shackles – 130615
13/06/15《名媛望族》名媛 in Genting ［中國報］妻妾爭寵 劉松仁風騷扭臀 報導：殷淑欣攝影：李文源 演唱會★日期：15/6/2013★時間：8:45PM★地點：雲頂雲星劇場★事項：《名媛in Genting》演唱會 63歲的劉松仁帶著無線電視劇《名媛望族》的其中3位劇中太太來馬登台，除了唱歌，還上演大馬版《名媛望族》延續篇。 以爭取出席“大馬晚宴”為劇本的《名》延續篇，3位太太在劉松仁面前卯足全力表演爭寵，各別使出耍可愛、比鬼馬、斗性感的伎倆。 當四姨太楊怡揮灑青春本色大玩韓國掀起可愛風潮的Gwiyomi，劉松仁也加入可愛行列，玩一把Gwiyomi親手指的那一段，讓現場觀眾笑翻天。 輪到大太太韓馬利，以kuso版草蜢《華麗明星賽》開場舞蹈上陣，想哄劇中老爺劉松仁開心時，劉松仁竟意外跟著搞怪扭臀，一反平時在電視熒幕上認真和一股正經的模樣。 這次來馬登台可說是打破了劉松仁悶騷的個性，他在舞台上除了搞怪耍可愛，還在現場進行開心生活教學。 他說：“以前拍劇發現陳玉蓮（劇中二太太）天天帶著笑容進片場，週遭的工作人員各個被感染變得很開心，所以我練習了‘眉開眼笑’的方法，把僵硬的皮鬆開。”話畢，他馬上示範，讓現場觀眾笑不停。 楊怡玩Gwiyomi賣萌 […]
-
名媛望族 Silver Spoon, Sterling Shackles – 121207
12/12/07［東方日報］王浩信狂食十三巴嗌正 在《名媛望族》中，王浩信與劉松仁是父子關係，戲裏，他視劉松仁為嚴父；戲外，兩人關係亦師亦友，兩人演一場掌摑戲，彼此摑出感情，這十三巴掌，對王浩信有莫大考驗，他坦言很榮幸可做松哥兒子，畀佢摑都開心。 王浩信在新劇《名媛望族》中扮演劉松仁與美國太太生下的私生子，在唐人街成長的他回港居住，更闖禍累及劉松仁。當中一場戲，就是父親劉松仁怒極出手掌摑王浩信，一邊摑，一邊大逼供，創下他有生以來，被摑十三巴的紀錄。 摑到涕淚交流 拍劇時有半年時間，王浩信與劉松仁朝夕相對，他坦言：「我當正佢係我阿爸，佢摑我嗰場戲，我哋真係摑出父子情，拍之前，我已經叮囑佢唔使手軟錫住我，即管盡情摑，摑到我涕淚交流，愈摑我愈開心，個心仲猛話正。」王浩信直言榮幸可做松哥兒子。 爭奪男配角獎 王浩信不諱言戲內劉松仁是嚴父，戲外他是劇組的支柱，王浩信坦言這半年間他不斷模仿劉松仁的言行舉止。對被狠摑十三巴的演出，王浩信尚算滿意說：「被摑一場戲，父子表達感情好複雜，好難演，我交足貨o架！面對好戲之人，個心唔怯已經好好，我好榮幸做松哥個仔，好開心畀佢摑。」王浩信好喜歡這齣劇及角色，認為是難得的機會。 另外，他今年成績不俗，更有份角逐「最佳男配角」及「飛躍進步男藝員」獎項。 馬賽整喊松哥最開心 無綫小花馬賽於民初劇《名媛望族》中，與老戲骨劉松仁有多場對手戲，其中有場講述她向演她爸爸的松哥哭訴的戲份，她很自然就哭了出來：「松哥話好少睇番自己嘅戲會喊，佢睇番呢場戲都眼濕濕，話我演得好感人，得到佢嘅表揚好開心！」 為拍該劇，她早前跟劇組返上海，令她感受到內地粉絲的熱情，幾乎每日都有粉絲在酒店門口等候，送上早餐及消夜，甚至連日用品都有！她希望之後可以多些返內地實境拍攝，因為實境富有歷史的味道，會令演員演得更投入。
-
名媛望族 Silver Spoon, Sterling Shackles – 121214
12/12/14［太陽報］朱晨麗被摑流真眼淚 朱晨麗頂替因病辭演的陳法拉拍攝台慶重頭劇，外間指她「執二攤」，但她並不介懷，認為機會難得。首次拍劇的她心情緊張，還不時要在廠內跳「芭蕾舞」減壓。 前香港小姐冠軍朱晨麗，未卸任已被安排頂替因病辭演的陳法拉拍攝台慶劇《名媛望族》，雖然外間指她「執二攤」，但對新人來說卻是千載難逢的機會，這樣的二攤確實不怕執，她接受專訪時說：「我都聽到好多人咁講，但係編審叫我唔使介意，話其實試鏡試咗好多女仔，最後都揀咗我，第一次拍劇就有呢個好好機會，會好好珍惜同把握。」 首度拍劇難免心情緊張，手忙腳亂，向來淡定的朱晨麗也不例外，修讀芭蕾舞的她說：「開工初期都好緊張、好驚，因為實在好多嘢唔識，好似企位、遷就燈光，所以平時好淡定嘅我都有啲騰雞，緊張起嚟就會行嚟行去，啲同事笑我好似喺度跳緊芭蕾舞咁。」 多得松哥指點 朱晨麗在劇中與劉松仁和陳玉蓮兩位前輩有不少對手戲，松哥更素來願意提點新人，朱晨麗固然獲益良多，她說：「第一次見松哥好特別，佢要我自我介紹，講吓自己嘅古仔畀佢聽，了解吓我哋，佢教我做戲最緊要係做自己，咁樣係最舒服，開工都會示範畀我睇點樣做，好多謝松哥，拍劇之後都有保持聯絡。」她覺得陳玉蓮就好像「小龍女」一樣，感覺脫俗，其實又十分友善，不時提點後輩。 朱晨麗在劇中的角色周旋於吳卓羲和馬國明之間，為情困流下不少眼淚，她說：「戲裏面成日要喊，導演已經訓練到我可以去到對白邊一個字先流出眼淚，有一場畀嫲嫲掌摑流嘅係真眼淚，自己24年來咁大個女都未畀人摑過，嗰一刻感覺都有啲委屈。」
-
名媛望族 Silver Spoon, Sterling Shackles – 121123
12/11/23［蘋果日報］馬賽做周志文小三：唔開心 馬賽和周志文在無綫台慶劇《名媛望族》中飾演情侶，劇中兩人因背景懸殊而愛得辛苦，現實中他們的緋聞也成為熱話。該劇今年4月在上海拍外景時，周志文的?模女友袁聖殷（CoCo）往探班，直斥馬賽為小三，馬賽對此坦言感不快。 馬賽和周志文拍無綫劇《名媛望族》時傳出緋聞，馬賽更被周志文的模女友袁聖殷直斥小三，兩人日前重提緋聞，馬賽說：「嗰陣我唔喺香港，拍完返嚟先知道發生咁大件事，我覺得我哋幾個當事人又唔係乜嘢superstar，值唔值得好似報道到天王巨星一樣？有啲朋友傳短訊畀我，佢哋半信半疑，仲話唔希望我會做啲破壞人哋感情嘅事，所以你問我，唔開心一定有。」 周志文也說：「對我講係考驗，考驗自己嘅處事能力。呢件事後，會諗多咗將來，我覺得依家要努力工作。」 「松哥冇得頂」 再問周志文緋聞有否影響與女友的感情？ 他坦言：「其實唔會冇影響，每一樣嘢都係經歷， 每個人都要從中學習先會進步。」 正如周志文所說，從經歷中學習，他們今次與劉松仁合作，不但在演戲上獲益良多，甚至啟發思維，兩人同聲說：「松哥真係冇得頂，佢畀咗好多意見，原來演戲唔係咁簡單，點樣用一個表情令觀眾相信係代表唔開心。」周志文接着說：「其中一場感情戲，松哥喺側邊督導我，佢講咗啲嘢帶我投入情緒，不過佢前一晚度劇本搞到好夜，所以當時見到佢真係好感動。 」採訪：何慧斯
-
名媛望族 Silver Spoon, Sterling Shackles – 121104
12/11/04［蘋果日報］有話兒：黑絲女王江美儀 無綫劇《名媛望族》播映兩周，網友仍熱談江美儀出動黑絲艷舞色誘劉松仁，松哥和江美儀加埋過百歲的情慾戲極重口味，網友迴響甚大。江美儀日前在中環接受本報專訪，她也重施故技—黑絲襯紅裙。 江美儀在娛圈工作超過15年，她自09年由亞視過檔無綫，雖有機會參演重頭劇，直至最近在《名》劇露肩晒腿，加上一對黑絲襪才成為坊間熱爆話題。對於一直默默耕耘的江美儀來說，這一露上位都算欷歔，但她卻不認同說：「唔會喎，如果我江美儀唔係平時咁認真做嘢，單憑一對黑絲襪，唔會帶畀我咁多，冇根基嘅話，一對黑絲襪眨吓眼就過，家觀眾識欣賞層次，正因為咁，演員先會放開自己嘅枷鎖。」 江美儀在《名》劇中演繹好勝三奶易懿芳，為跟幾房爭寵大耍手段，她不時賣弄風情討好風流老爺，但結局還是要執包袱離開，輸了感情，但現實上卻憑這幕戲賺盡人氣，她興奮說：「我開心㗎，冇諗過一對絲襪會引起大家注意，我都聽到網上瘋傳嗰幕，我呢排開工見到張智霖同吳鎮宇，佢哋都話睇過，呢條片係咪可以直逼江南style？」網友和觀眾指江美儀賣誘惑，她卻謙說：「從頭到尾冇覺得江美儀誘惑，根本拉唔上關係，我只係爽直，似男仔嘅女人。」 其實拍攝這類情慾戲，演員有苦自己知，江美儀慶幸對手是有默契的松哥，她明知跳舞是弱項，向來都是獻醜不如藏拙，但松哥收到劇本後便不停上網搜集資料，讓拍檔改善缺點，她說：「松哥喺YouTube搵咗十條有關艷舞嘅片畀我睇，步伐、衣着同表情都逐條分開叫我跟住參考做。」 為了視覺效果，江美儀跟着照做，出來竟有驚喜，談到工作態度嚴謹的松哥，她說：「同佢拍戲唔係易事，係壓力，不過我相信有壓力先有動力。宜家出嚟效果咁好，我多謝佢都嚟唔切。」當中一場自摸戲，廠內的攝影、燈光和道具工作人員多對眼緊盯下，江美儀直言有尷尬感覺，NG後還是頂硬上，她阿Q精神上身說：「我猛咁同自己講，作為專業演員要專心focus拍好呢場戲。松哥又喺側邊，佢見到都忍唔住教我點摸，佢自己仲示範一次畀我睇。」估不到松哥竟是情慾戲高手。 出動熱咖啡戰衣 江美儀的艷舞look被揭是18年前汪明荃（阿姐）演繹《熱咖啡》的籠底戰衣，她說：「我知，證明阿姐同我身形差唔多，我都唔使改，阿姐都着得，你話有幾性感。其實件舞衣比泳衣仲保守，我着嘅時候仲着咗肉色跳舞衫打底，肉色絲襪外先着黑絲同襪帶，性感同誘惑只係錯覺同意識。」 對三奶一角，江美儀又愛又恨：「我絕對同情佢，作為女人，佢實在太委屈，講手段楊怡嘅四奶仲犀利，演呢個角色過足癮，仲可以豁出去。做有手段嘅女人好攰，成日要防呢個，對付嗰個，我自問本身性格大癲大肺，一定做唔到。」她獲網友力撐可憑三奶拎走今屆無綫台慶頒獎禮的最佳女配角，她說：「我唔係為攞獎而演好啲戲，過去幾年我都係陪跑，不過今年有信心㗎，得唔得獎真係唔重要，起碼我食到呢個timing，我當自己賺咗㗎啦。」
-
名媛望族 Silver Spoon, Sterling Shackles – 121214
12/12/14《名媛望族》名媛望族闔府統請 ［東方日報］楊怡等封后 卜枱慶功 楊怡、劉松仁及馬國明等主演的劇集《名媛望族》前晚連播兩集大結局，無綫移師將軍澳新都城搞直播，除吳卓羲外，演員晒冷出席，楊怡更以京劇造型現身，盡最後努力為視后落力拉票。 前晚的結局中充斥不少回憶鏡頭，遭網友喪插拖得太慢，更質疑劇中多位男演員前後向女演員下跪共7次似「男人懺情大典」，但現場演員卻看得如癡如醉，馬賽、沈卓盈與帶愛犬到場的江美儀等邊看邊喊！ 劉松仁表示對視帝一獎打定輸數，會投票給馬國明及楊怡。楊怡得悉後，信心十足地說：「我係佢『老婆』喎！梗係要投我啦！我希望今晚（即前晚）結局收視好，搵時間請台前幕後食飯，況且我之前喺馬來西亞攞獎都未食飯慶祝。（攞埋無綫視后一次過慶祝？）食咗先，可以再食o架！（同羅仲謙慶祝咗？）開心唔使兩個人，成就亦唔只攞獎嗰個，仲有身邊一大班工作人員。」馬國明則讚松哥演技已是「神級」，獎項已不重要，並感激松哥提點他很多不足之處。他又笑言會把頒獎禮當派對出席便最開心：「最緊要輸得起。」 鄧萃雯偏心松哥 至於曾獲頒視后的鄧萃雯昨日出席慈善活動時，表示知道子珊與楊怡是今屆視后大熱：「我鍾意鋤強扶弱，邊個票數少就投邊個。」她又稱老友黎耀祥曾奪兩屆視帝，故希望偶像劉松仁奪視帝榮銜。 ［明報］劉松仁捧楊怡做視后 台慶劇《名媛望族》12月14日晚在商場直播大結局，楊怡以劇中京劇造型獻技，功架十足。播映期間，韓馬利等一眾演員均感動落淚，馬賽更從頭喊到尾，她表示演員之間感情深厚，每看到家人的片段時便不禁落淚。 楊怡投馬國明做視帝 楊楊怡與緋聞男友羅仲謙早前同在大馬獲獎，但沒時間慶祝，“開心事想一大班人慶祝，成功不單止靠一兩個人”。提到劉松仁選她做視后，楊怡笑說：“我是他老婆，他當然選我啦！但我投了他的兒子（馬國明）一票。” 劉松仁重申視帝之爭應留給年輕人：“我偏心，看好馬國明，視后就是楊怡，我會上網投票。全民投票等於鬥多粉絲？粉絲都有代表性，公開投票及委員評審都需要。”馬國明感激劉松仁投他一票，有指對方沒信心封帝，馬國明說：“他已是神級演員，毋須獎項，反而對我們這種小朋友更重要。粉絲少較輸蝕？輸咪輸囉！明年再接再厲，我尊重評分方法。” 沈卓盈否認取代徐淑敏 沈卓盈剛從寧波拍攝旅遊節目返港，她否認取代徐淑敏拍攝該節目的南京特輯。問到徐淑敏心情如何？沈卓盈說：“我在寧波沒有聯絡她，也不方便談別人的事，暫時沒收到公司通知要到南京拍攝。” […]
