-
歲月風雲 The Drive of Life – 070918
07/09/18［蘋果日報］自度娘爆水上人造型 黃淑儀老火炆配菜 《歲月風雲》卡士大，好演員都未必有機會發揮，就像黃淑儀在劇中扮演劉松仁妻子許湛恩這個典型的傳統女人，將全副精神放在丈夫及兒子林峯身上，之後竟發現老公有婚外情，最後用愛寬恕身邊人。黃淑儀的演技爐火純青，還刻意自度水上人造型演繹；可惜的是她在劇中的戲份不多，猶如用老火炆配菜，黃淑儀對此說：「戲從來都分唔勻，自己責任係盡量去演好角色。」 黃淑儀在《歲月風雲》中扮演劉松仁的妻子、林峯的媽媽許湛恩，黃淑儀在劇中的演技不慍不火，將好太太及好母親的身份演繹得手到拿來，到底她是怎樣把該角色演好？ 黃淑儀說：「知道要演呢個角色時，我即刻為佢（指劇中角色許湛恩）設計形象，許湛恩係水上人，出身大澳，嫁咗人後開始有錢，所以我專登襯咗一隻好傳統嘅Rolex，另一隻手就戴咗隻玉鈪，襯番個年紀，仲有個Bob頭，其實Bob頭都唔係?家至興，早喺20、30年前已經興過，我自己就有個朋友，由30年前開始keep住呢個頭，許湛恩一身造型係由我設計，用嚟突出呢個有錢又保守嘅婦人形象。」 不介意戲份少 大堆頭的製作，必會出現戲份不均情況，黃淑儀表示不介意在《歲》劇中的戲份少，最重要是自己有沒有心機去演，她說：「戲從來都分唔勻，自己責任係盡量去演好角色，所以我好投入，記得有一場戲，講我揭發咗華文翰（劉松仁飾）有婚外情，當時我好激動，係咁質問佢，停機之後連劉松仁都呆咗，仲問我使唔使咁認真，我就係咁，好努力去演，令到自己投入，盡力令人相信我嘅角色。」 難忘跪求阿佘 戲裏戲外都是好媽媽，黃淑儀對於在《歲》劇中，有一場跪地懇求佘詩曼原諒自己的劇情最令她印象難忘，她說：「我好記得呢場戲，阿佘話有咗BB，佢威脅我同華文翰，要我哋兩個跪佢，其實我睇到劇本，最初係覺得有啲怪，老爺奶奶跪個新抱，唔係好合情理，可能編劇想有talkingpoint啦！後嚟我同松仔商量過，就話我跪先，佢見我跪佢又跪，好似合情理少少。」 黃淑儀寓工作於娛樂，拍劇、寫書、做主持，都是為了興趣，她說：「劇都係差唔多，一年一部，主持《吾湯吾水》要經常出外景，做完香港手頭上工作，我就會即刻返加拿大，屋企人始終喺加拿大，一定要返去照顧佢哋！」 人物誌：風情女子變賢妻良母 在《歲月風雲》裏飾演劉松仁妻子許湛恩的黃淑儀，今年58歲，當年入讀麗的訓練班而晉身娛樂圈，68年以女主角身份跟馮淬帆演出全港首部長篇電視劇《夢斷情天》，成為炙手可熱的女藝人，其後演出多部經典電視劇如《倚天屠龍記》、《紅顏》等，角色大都女人味滿瀉，對演繹風情萬種的女子就更是手到拿來。85年與家人移民加拿大，00年回流後一改形象戲路，多演賢妻良母或傳統女人，雖與以往所演的天淵之別，但依然拿捏甚佳。採訪：楊潔雯 攝影：陳俊強
-
歲月風雲 The Drive of Life – 070911
07/09/11［蘋果日報］《歲月風雲》連番愛情重創 宣萱偷戀嚴父劉松仁 宣萱多年來擅長演繹性格爽直的女強人，不過今次在無綫重頭劇《歲月風雲》中，卻扮演性格溫婉的華清瑜，對父母的說話言聽計從，就算未必合自己的心意，也會逆來順受，對愛情非常專一。華清瑜是由劉松仁飾演的鋼鐵廠老闆華文翰的長女，宣萱表示一直渴望與松哥合作，故接到劇本的一刻已感到異常興奮。 《歲》劇長達60集，宣萱的主線集中在與松哥的父女情及跟馬德鐘的感情戲上。問到與劉松仁合作時有甚麼難忘趣事，宣萱說：「記得松哥頭幾日開工，佢緊張過我，或者因為佢係全套劇嘅重心人物，所以某程度上佢會好大壓力。」經相處後，宣萱表示二人性格十分相似，戲裏戲外都有點父女的感覺，她說：「我覺得同松哥嘅嘴部都有幾分酷似，同佢相處落，佢嘅性格好sweet，除咗好肯教我做戲之外，仲會教我做人之道。」 《歲》劇長達60集，宣萱的主線集中在與松哥的父女情及跟馬德鐘的感情戲上。問到與劉松仁合作時有甚麼難忘趣事，宣萱說：「記得松哥頭幾日開工，佢緊張過我，或者因為佢係全套劇嘅重心人物，所以某程度上佢會好大壓力。」經相處後，宣萱表示二人性格十分相似，戲裏戲外都有點父女的感覺，她說：「我覺得同松哥嘅嘴部都有幾分酷似，同佢相處落，佢嘅性格好sweet，除咗好肯教我做戲之外，仲會教我做人之道。」 但隨着年齡漸長，對愛情抱隨緣樂觀態度的宣萱，卻無法苟同華清瑜的愛情觀，她說：「華清瑜對愛情好專一，佢最初深愛王敏德飾演嘅韋倫，當發現佢係有婦之夫後，俾佢傷害得好重，慢慢經過工作上嘅接觸，佢接受咗馬德鐘扮嘅危永標嘅愛意，最後仲結咗婚，明知佢對華家家族生意好有野心，不過佢夾喺中間好難做，既深愛自己家人，又想好好維繫一段婚姻，盡量做到兩面都討好，我覺得呢個角色某啲性格幾蠢吓。」 問宣萱覺得拍《歲》劇最大收益是甚麼？她指是與松哥的多場對手戲，令大家過足戲癮，故十分渴望不久將來可以再結片緣，宣萱說：「我想試吓同松哥拍啲輕鬆小品。」若被安排與劉松仁扮演一對忘年戀情侶會否抗拒？宣萱說：「我梗係冇所謂啦。」採訪：比華利攝影：陳偉權髮型：BluedyWong（HairCulture）服裝：mi-tu場地：CafeBesArtistes（蘭桂坊）
-
-
-
-
-
-
