-
魚躍在花見 The Rippling Blossom – 110219
11/02/19《魚躍在花見》慶功宴 ［蘋果日報］Chilam冧杏兒囝囝問罪 無綫新劇《魚躍在花見》雖然被網友踢爆疑抄襲韓劇和日劇，但收視仍不俗，首5集平均有29點（185萬人），最高更有31點（198萬人），眾演員包括張智霖、胡杏兒、謝天華及腹大便便的姚瑩瑩等，前晚到尖沙嘴慶功，並即場開香檳。 對於《魚》劇成績佳，Chilam說：「通常農曆年收視都唔係咁好，今次算係打破宿命，反應咁好，我打算喺演唱會唱埋主題曲。」問老婆袁詠儀（靚靚）有否收看？Chilam笑言：「佢係電視迷，佢都話好睇，讚幾好笑，又話我比平時幽默，佢都有讚杏兒做得好。」再問囝囝有否捧場？Chilam說：「套劇有卡通畫面，老幼咸宜，我仲整過壽司畀佢食，不過佢有問我點解同姐姐（指胡杏兒）咁熟，我解釋話係工作需要。」 胡杏兒則說Chilam不時臨場爆肚：「每場戲都好似打仗，佢成日爆肚，又成日叉我頸同嚇我。」當年Chilam和佘詩曼拍劇時，靚靚要親自監場，但今次卻沒有，杏兒聞言只笑而不答。問杏兒緋聞男友黃宗澤有否給意見？她說：「冇呀，之前佢做嗰套《隔離七日情》播結局篇，我有睇，但冇睇自己套劇，總之互相支持。」 日前杏兒和黃宗澤被目睹一同睇車，她直認不諱：「佢得閒咪約埋一齊睇，不過未買得成。」問會否叫黃宗澤付錢？杏兒笑言若真的絕對不拘。同場的張國強說，火鍋店老闆贊助他2萬元跑渣打馬拉松的半馬拉松賽事，他會全數捐給福幼基金。另外，Chilam和靚靚昨到灣仔會展參加大寶法王灌頂儀式，靚靚見記者拍照左閃右避。採訪：馬建華 攝影：黃文成 東張西望 蘋果日報
-
魚躍在花見 The Rippling Blossom – 100219
10/02/19［星島日報］Chilam街頭拍劇被女Fans狂冧 張智霖（Chilam）與太太袁詠儀（靚靚）自年前誕下兒子慕童（暱稱魔童）後，兩人一直為兒子搏命搵奶粉錢。近日Chilam爸爸更復出樂壇，又順道拍劇谷人氣，至於靚靚媽媽則忙於安排兒子起居飲食，更替兒子買文具返學，兩公婆的確對兒子愛護有加！ 文：陸宜 圖：徐錦池 張智霖與袁詠儀自年前誕下兒子慕童（魔童）後，Chilam爸爸及靚靚媽媽即時復出拍劇，當中Chilam爸爸更推出新廣東碟力谷人氣，兼且勁賺奶粉錢，而靚靚媽媽忙於拍劇之外，亦忙於為兒子安排起居飲食，兩公婆為兒子仆心仆命！ 大叫靚仔 Chilam爸爸早前夥拍胡杏兒及劉松仁拍攝無線新劇《魚躍在冬季》，雖然Chilam已經好一段時間沒有在電視上露面，但復出後依然人氣十足，拍攝當日在銅鑼灣街頭，就吸引了數十名巿民在場觀看，大部分都以女Fans為主，當中更不時聽到女Fans在偷笑，然後跟身邊的人說：「Chilam真係好靚仔呀！」更索性埋身，拿著相機拍個不停，Chilam對於Fans稱讚也報以甜笑，並未有影響他跟松哥的演出。待他拍罷，途人紛紛上前要求合照，Fans有男有女，當中更不乏兩三歲的小朋友，可見Chilam的人氣依然旺盛。 速掃文具 爸爸忙於工作賺錢養家，靚靚媽媽則忙完拍攝《72家租客》後，又要忙於照顧兒子。日前傍晚時分，靚靚獨個兒走到跑馬地，甫下車便進入附近一間文具店。靚靚走到文具架前，挑了幾枝鉛筆、擦膠及間尺等文具，然後再買了一張花紙，付錢後便速速離去，準備將新文具帶給仔仔，讓他開心一番，這位廿四孝媽媽認真照顧周到。 兩夫妻為子搏命賺錢 張智霖與袁詠儀自06年懷著魔童之際，已經搏命搵奶粉錢，靚靚腹大便便之時亦未有留在家中養胎，反而跟劉德華合演《門徒》，是娛樂圈難得一見的舉動。生完BB後，靚靚四出走到貧困地區進行探訪，身體力行進行身教。其後，她更於07年重返娘家無線，拍了好幾部劇集，分別有《疑情別戀》及《富貴門》，還有近日的邵氏電影《72家租客》。Chilam亦好忙碌，待兒子出世後便到內地搏命拍劇，當中包括《紅色使命》、《陸小鳳》及《龍門驛站》，同時亦接拍電影《綁架》、《人在江湖》及《頭七》，近日更接拍無線劇集《魚躍在冬季》。
-
魚躍在花見 The Rippling Blossom – 100121
10/01/21《魚躍在花見》煞科宴 ［東方日報］天華預告亮相亞視 謝天華、胡杏兒和張智霖（ChiLam）等前晚夾錢舉行煞科慰勞宴，宴請新劇《魚躍在冬季》幕後人員，女主角楊怡雖有事在身缺席，但錢則照夾。三人笑言拍畢《魚》劇後仍掛住食，因拍攝期間吃過太多「好嘢」，杏兒於北海道拍外景期間，更寓工作於娛樂，瘋狂shopping，ChiLam則笑說食到「嘴刁」。 妙論捕殺藍鰭 天華對《魚》劇此題材甚具信心，並稱贊助商很慷慨，各方面都願意作配合，又提供藍鰭吞拿魚供開鏡之用。不過，早前因有環保團體反對他們捕殺藍鰭一事，天華認為：「只要個人概念係環保就得，環保唔係一時三刻可以做到，但都好支持團體提出呢個訊息。」 「公司明白事理」 此外，對於今屆香港電影金像獎將於亞視播出，隨時有機會憑電影《LAUGHING GOR之变節》角逐「男主角」一獎的天華，被問到會否因是「無綫人」而避席時，他說：「對事唔好對人，『金像獎』係一項盛事，每年都舉行，只不過每年安排唔同電視台直播或轉播，亦都好多台前幕後支持，我唔會因為咁而唔出席呢個咁熱鬧嘅盛事，我係絕對願意到場，（無綫有冇指引？）言之尚早，我相信公司明白事理，冇乜大問題，（有信心贏？）我志在參與啫！」文：影視組
-
-
-
-
魚躍在花見 The Rippling Blossom – 100107
10/01/07《魚躍在花見》開鏡拜神 ［蘋果日報］劏大魚谷劇被彈欠環保 Chilam：好矛盾，唔食好嘥 無綫新劇的贊助商早前在日本投得藍鰭吞拿魚王，昨日拜神儀式上特別安排一條價值67萬的藍鰭吞拿魚贈興，不過同時惹來環保組織批評鼓吹食用瀕危物種的風氣。張智霖直言若魚已劏好，不吃難免浪費。 無綫新劇《魚躍在冬季》昨日在電視城舉行開鏡拜神，除劇中演員如張智霖、謝天華、胡杏兒、劉松仁外，同場還有一條由日本訂購的藍鰭吞拿魚，隨即搶去眾演員的風頭。張智霖和謝天華更用身價達136萬的日本一吞拿魚王魚骱部份握壽司，不少人均希望一嚐魚王滋味，身穿壽司師傅制服的謝天華的手勢有板有眼，反而Chilam則面有難色。 信佛拒劏活魚 對於有環保組織批評食肆將藍鰭吞拿魚當宣傳工具，鼓吹食用，濫殺瀕危動物，Chilam表示有留意事件，他說：「本身都關心生態，但係日本餐廳喺香港開到成行成市，相信唔係一時間可以改變。我係佛教徒，平時都放生，唔可以接受要我劏一條活生生嘅魚，好彩劇中多數由師傅代勞，但係前幾日拍一場劏鱔嘅戲都搞到發噩夢。」問到Chilam會否因此而戒食魚生？他笑說：「我自己都好矛盾，我覺得既然條魚已經劏咗，唔食咪好嘥？不過我拍完呢部戲之後，對魚嘅要求都低咗，家唔會食魚翅。」 天華籲勿捕鯨 天華也說：「保護環境應該由細做起，有時啲嘢唔可以去得太盡，好難要全人類淨係食蔬果，所以大家應該有節制，反而覺得家最先係停止捕鯨，因為鯨魚嘅數目已經好少。」贊助商壽司店的老闆Ricky（鄭威濤）說：「我哋係支持環保組織，而且亦接受不同嘅意見，喺我哋立場只係將美食帶畀顧客，如果日本同香港政府禁咗嘅話，我哋唔會再投，一定會奉公守法。」採訪、攝影：何慧斯 娛樂新聞報道
-
魚躍在花見 The Rippling Blossom – Michael
《魚躍在花見》拍攝紀錄 – 謝天華Blog 下雪了! 來了北海道已有兩星期，天氣越來越冷…….早幾天拍攝中途，突然下雪，真的很美!雖然外景總有點冷， 但有楊怡這個好拍檔，拍攝相當順利兼愉快，簡直笑聲不絕!!看我倆演出多投入?!!哈!!北海道未到五時已經天黑，天氣經常陰晴不定。這晚我們便冒雨去吃晚飯，老實說，真的很冷!!最難忘的…..還是這道『天神村彩虹』， 現場看到是實色的!!!跟『天神村』那道真是一模一樣啊!!!!!!
