-
大時代 The Greed of Man – NextMagazine138
92/10/30［壹週刊#138］《天下無敵》撼低《大時代》 《大時代》是無綫籌備近十個月，耗資九百萬，動用全台大卡士之大型製作。無綫為了搞《大時代》，特別從亞視挖走舊將韋家輝，任該劇之監製。韋家輝曾經監製的電視劇有《誓不低頭》、《歲月燃燒》、《義不容情》及《還看今朝》，而《義不容情》在無綫播放時，最高收視達三百多萬人，乃無綫最高收視節目紀錄。韋家輝跳槽過亞視後，他憑《還看今朝》再創亞視最高收視紀錄。 韋家輝回巢後，立即埋班搞《大時代》劇本，並且力邀著名電影編劇曾謹昌任該劇編審。韋家輝這次回巢搞《大時代》，無綫給予無限量支持，可謂要風得風，要雨得雨。 《大時代》的製作費平均每集二十二、三萬元，比無綫其他劇集成本高出七至八萬元。韋家輝為了找劉松仁回巢演出此劇，成本再次調升。 亞視高層任由《天下無敵》自生自滅 相反，亞視的《天下無敵》卻一波三折，原本四月開拍，因中間亞視大裁員，高層大變動，令《天下無敵》一拖再拖至七月才開拍。《天下無敵》監製袁仁康說：「起初，我地諗過搵任達華、黃日華，後來搞唔掂啲期。我地又搵過柯俊雄，公司又俾唔到錢，劇本便一改再改，人物換完又改。再加上編劇配合又唔夠，一路拍，一路改。拍嗰陣大家都有份度劇本，演員、助理編導個個都有份度。 「公司宣傳又唔夠，我地提意見，公司又唔接納。成部戲收得，開頭只係靠上集《成者為王》嘅口碑。」 據聞，《天下無敵》編導為了搞好劇本，再動用私下感情，找來電影編劇，替該劇度劇本。 《天下無敵》的製作連卡士費每集平均為十二三萬，較《勝者為王》為八、九萬略多。但，與無綫《大時代》相比，則相差十萬有多。 相比之下，《天下無敵》先天不足，條件有限，而《大時代》則準備充足，為何《大時代》平均收視只有一百五十萬，跟只有夏雨做主角的《小男人出差》的收視相比，亦低了二十萬。皆因無綫推出《大時代》前，扭計扭得太盡，作繭自縛。 無綫三個月前已部署對付《天下無敵》 無綫知道十月份是亞視生死存亡之秋，亞視明年廣告的多與少，完全決定於十月份亞視之收視率；再加上無綫高層吸取《勝Ｉ》擊敗《情陷特區》的教訓，立即調兵遣將，把《大時代》提前推出，不容亞視有一線生機。 無綫在《大時代》之前，已經預先佈陣，在七、八月份安排播出兩齣與《勝ＩＩ》題材相類似的劇集，分別是張衞健、吳剛主演的《拳王賭至尊》及郭晉安、朱江主演的《賭霸》，希望觀眾先入為主，更希望對同類型題材的劇集生厭，實行以本傷人。 無綫除了策動兩齣賭片之《勝ＩＩ》令觀眾對「賭片」看膩，更加窮追猛打，把原先安排在《勝ＩＩ》同期推出之《風之刀》抽起，把安排在十一月台慶月出街的重本製作《大時代》提前播出，與《勝ＩＩ》對撼，一於令《勝ＩＩ》無法冒出頭來。 不過，無綫使出種種殺著，不但未能使《勝ＩＩ》的收視率下降，相反，《大時代》卻自食其果。 「《大時代》原本排喺十一月播，而且亦唔係七點半出街，而係喺八點五十分出街。當我喺台灣拍完外景返嚟，公司話要提早出街，事前我一啲都唔知，唯有邊趕邊拍。」 「我度劇本時，原本以八時五十分播出的觀眾為對象，成人口味較重，電檢處尺度也較鬆，希望嗰陣時成人觀眾放工番屋企，食完飯能夠坐得定定睇，所以故事結構亦較深。依家改喺七時半合家歡時間播，成人觀眾放工返屋企坐都未坐定，呢個時間嘅小朋友觀眾又多，因此變咗好多劇情不適合小朋友睇。而《天下無敵》最多嘅觀眾，就係十至十四歲小朋友。部劇又拍得夠漫畫化，成部現代武俠劇咁，小朋友易受落。」韋家輝解釋。 另外，《大時代》的劇情太過複雜，第一集已經將結局倒敍地播出，而且戲中太多回憶倒敍。一些行內編劇也覺得劇情太複雜，未必人人睇得明。無綫將《大時代》提前播出，卻忽略了七時半至八時半的觀眾性質。 「韋家輝對劇中人物的性格構思，太過著重創作新鮮，缺乏了以往《誓不低頭》、《義不容情》裡的現實人情味煽情故事。」電影編劇林超榮說。 《大時代》超現實手法不討好觀眾 一位《大時代》的觀眾意見也與林超榮相同：「邊度會有啲丁蟹（鄭少秋飾）咁嘅人，又暴力，演得又誇張，好似個Rambo咁，重要推晒啲仔女落街添。」另一位觀眾更說：「秋仔、劉松仁過老，故事又講六、七十年代，冇啲時代感，與我地生活脫晒節。」 《大時代》觀眾大部份之反應除了不同意第一集「推仔落街」外，還認為劇中的丁蟹狂打劉松仁至死，及七三年股市大跌時，華探長任由劉松仁揸主意，買股票導致破產等劇情，完全不合邏輯。人物及劇情過於超現實，影視處共收到四宗有關《大時代》過於暴力及意識不良之投訴，其中包括第一集推仔落街一幕。假如《大時代》依舊放在第二線播出，未必會如此收場，況且《風之刀》是由郭富城主演，對年輕觀眾，是有一定的號召力。 另外，無綫雖然希望以《拳王賭至尊》及《賭霸》，令喜歡看賭片的觀眾生厭。但是，無綫昔日卻當以賭片撼低麗的時代之大製作，屢戰屢勝，包括《千王之王》和《千王群英會》等。 「賭片是有一定的吸引力，電影和電視一樣，都係一個夢工場，為觀眾製造夢想，而家啲人都鐘意不勞而獲，淨係睇馬會的收入便知，故此以賭為題材的劇集，是有一定的號召力。」電影《情不自禁》監製鐘繼昌說。 亞視《勝ＩＩ》贏了一仗，未必能夠幫助亞視渡過這艱苦的「大時代」，皆因亞視的弊病是不能一浪接一浪，每逢大劇過後，收視又會打回原狀。然而，無綫雖敗了此仗，但它「天下無敵」之勢，未必就此一去不復返。 兩劇演員心聲 劉青雲 《大時代》演員「韋家輝今年一月已經搵我返無綫做呢個劇，收視點樣對我唔重要，我試過喺無綫拍咗個劇，冇出街都係咁。」 鄭少秋 《大時代》演員「我對收視率有點失望，覺得作為電視創作人，韋家輝是創新的，但韋家輝最擅長都係搞番些煽情劇，我覺得丁蟹嘅角色幾新鮮。」 陳庭威 《天下無敵》演員「收視好當然開心，我好羨慕《大時代》嘅演員，有好多機會做戲，譬如：有多好感情戲做。《勝ＩＩ》因節奏快，冇咁多機會做戲。」 黃莎莉 《天下無敵》演員「好開心，士氣好，係我返亞視最想有嘅嘢。我試過用三部電視機一齊睇，熄晒聲，當係觀眾咁淨係睇畫面，我覺得《勝ＩＩ》畫面吸引過《大時代》，秋仔的丁蟹太誇張，劉松仁做得最好。」
-
大時代 The Greed of Man – 920521
92/05/21［民生報］無綫台慶 多套大型港劇出龍 鄭少秋﹑萬梓良﹑劉松仁﹑郭富城﹑草蜢﹑陳玉蓮各挑大樑﹐觀眾可大飽眼福。 【記者 麥若愚/報導】 香港無綫電視台慶祝25週年，多套大型台慶港劇都在熱鬧製拍中，男星鄭少秋、萬梓良、劉松仁，青春偶像郭富城、草蜢紛紛回籠投入拍劇，港劇王牌監製韋家輝也有新題材構思，港劇錄影帶觀眾今年可大飽眼福！ 以「義不容情」一劇走紅的明星監製韋家輝，被亞視挖角一年之後又重返無綫，回娘家的頭部劇集頗受矚目，寓言九二年至九七年中港台三地財富轉移與英雄人物傳奇的寫實型喜劇，題材未拍先轟動，早年演過韋家輝監製「誓不低頭」的鄭少秋，就是受此劇吸引，決定回巢無綫，簽下每年拍40集長劇的兩年部頭合約，這套長篇劇還找回久未拍港劇的劉松仁，搭配溫兆倫、劉青雲、藍潔瑛、周慧敏，卡斯非常強勁。 由無綫副總經理何定鈞親自出馬與劉家豪聯手監製的時裝劇「巨人」排出萬梓良、林俊賢、陳玉蓮、張衛健、陳法蓉、李司棋陣容，此劇是萬梓良繼「他來自江湖」、「笑傲在明天」、「大家族」後，連續第四年替無綫拍台慶劇集，也是陳玉蓮回巢無綫的挑樑工作，此劇赴紐約拍外景，聲勢十足。 以寫情細膩見長的監製李國立，今年決定變革風格，製作一套以爬山為背景的青春勵志劇「伴我激情」，草蜢隊將首次擔綱港劇演出，加上尼泊爾實地拍攝攀爬雪山，務求在題材與包裝上吸引年輕觀眾。另一套40集長篇劇「火玫瑰」是近期港劇少見以單一女角為重心的題材，描述女性身敗名裂後的復仇行動，由溫碧霞挑大樑，搭配溫兆倫、尹揚明、羅嘉良、麥翠嫻、梁珮瑚、蔡嘉利等。 最受海外影帶市場喜愛的武俠劇，是無綫25週年不可或缺的重點製作，郭富城、林文龍雙生，袁潔瑩、姚正菁、蔡少芬、梁小冰四旦合演的「武林啟示錄」走偶像喜劇路線；郭晉安、張衛健、楊羚、劉玉翠、劉家輝主演的「捉妖奇兵」以神怪科幻見長；鄭伊健、關禮傑、羅嘉良、梁珮玲、周慧敏主演的「王重陽傳奇」是將金庸小說中武林始袓人物王重陽抽出新編的故事。
-
大時代 The Greed of Man – Apple
15/04/26［蘋果日報］《大時代》神級演出 觀眾哭崩 松哥跪求老闆：一鏡過冇NG 最近大家晚晚追睇《大時代》，除肉緊丁蟹點解要咁癲之外，被丁蟹打到儍的方進新，前晚跪地哀求老闆：「畀次機會……老細！」同樣震動人心，劉松仁的神級演技極富感染力，他昨透露為求一氣呵成，拍攝這場戲時要求導演：「一take過，唔好cut shot。」而明天播出的第6集，進新將慘死在癲蟹重拳之下，催淚指數爆燈，誓再掀高潮！ 無綫深宵重播92年經典劇《大時代》，播出5集場場精采，除丁蟹將四仔掟落樓外，前晚播出被丁蟹打到變儍仔的方進新，為了玲姐和四個仔女出外打工，奈何智力變低，連叠報紙的簡單工作都應付不來，在粥店被老闆叫「聽晚唔使你幫手喇」。飾演進新的劉松仁演出入木三分，身體抽搐兼面容扭曲，跪地求老闆：「我死蠢，我知手腳慢，我需要份工……」男兒有淚不輕彈，但很多男觀眾看到該幕也流下男兒淚，網友更於昨凌晨已洗版式留言大讚松哥演技超班。 「我好少假喊㗎」 23年後重播依然有很大迴響，松哥沒有出奇反應，他昨在電話中淡然說：「嗰時都好大迴響，可能?家有批長大咗觀眾。」松哥一向擅演官仔骨骨的少爺，扮演低智商人士仍是第一次，亦是唯一一次，他自言每個角色都用心去演，他說：「個個角色都難演，唔會話易。」演痙攣神似？他笑說：「可能我嗰陣真係有啲痙攣呢！」雖然拍電視劇沒有太多時間醞釀情緒，但松哥一埋位便能逼出真眼淚，他說：「我都好少假（喊）㗎，因為前戲演咗一段時間，已經入咗個角色，嗰場戲（跪地戲）我同導演講要一take過拍晒我，唔好cut shot。」感情位去到好盡？他說：「係，如果再拍take唔番。」 松哥演戲技驚四座，卻未登上視帝，問他可覺遺憾？松哥豁然地說：「我拍戲咁耐，從來都唔睇呢樣嘢，我針對戲裏面嘅角色，最重要作品出嚟可唔可以令人記得，要大家都鍾意。而收視好唔好，外面評語點我都唔理太多，我只做好自己，最重要自己知乜嘢係好，乜嘢係唔好。」邊場最深刻？他說：「唔可以分開嚟講，冇前面嘅戲，去到嗰場喊戲又唔會咁震撼。」 感動其他演員 進新的慘情遭遇，連一齊叠報紙的游飈都被感動，鏡頭前眼濕濕亦是真情流露，游飈說：「我記得喺中環一條街度叠報紙，嗰場戲記憶都好深，演員唔係一樣獨立東西，係一個team work，好需要互動。演員最難演就係感覺，成場戲主位一定係松哥，松哥帶動我哋投入嗰件事。」眼濕濕？他說：「一定有啦，我哋係習慣性投入，唔可以同導演講畀兩個鐘去入戲，俾人一腳伸開你啦！」而四兄妹在家中教爸爸叠報紙的唐寧則說：「我細個印象唔太深，只記得爸爸儍咗。佢有兩個狀態，當時覺得佢好叻，點解咁唔同都做得咁好呢？」 明天播出第6集劇情將進入高潮，進新漸漸恢復記憶，並學懂自理識綁鞋帶及返屋企。正當一切轉好時，丁蟹拿住袋橙上進新屋企，叫進新不要告他傷人，丁蟹的狂妄觸發進新和童年方展博出手還擊，最終進新慘死在丁蟹重拳之下，方家四兄妹變成孤兒，令人傷感。但松哥不覺可惜：「唔會，一開始就設計咗，我嘅角色主要係帶班後生出場，拍完呢幾集，我任務完成。」 【感動人心】足本獨白 《大時代》第5集尾劉松仁在報紙檔幫手，因為手腳不靈活，被報紙檔老闆炒魷：「聽晚唔使你幫手喇！」之後開始近兩分鐘如泣如訴的神級獨白，贏盡觀眾熱淚。 「畀次機會老細……畀次機會，老細，我俾人打壞個頭，我死蠢，我知手腳慢，我需要份工，搵……搵錢養家。我女朋友同我冇名冇份，每……每日兩份工，佢……佢養我同4個仔女。我……我……男……男人好難過。畀次機會，老細。畀……畀……今日做得唔好唔要，聽日做得唔好唔要，做得好你畀人工我，畀次機會老細，畀次機會老細，老細。」
-
-
-
-
大時代 The Greed of Man – 劇情
Storyline 劇情 發行年份：1992地區：中國香港飾演：方進新合作演員：鄭少秋 藍潔瑛 曾江 江毅 劉江 羅樂林 黃寶龍 唐寧獎項：《壹週刊》壹電視大獎’92：十大最受歡迎藝人（獲獎） 銀禧皇牌獻禮，無綫四十集時裝長劇「大時代」，以香港近三十年的風雲起跌為背景，透過兩個家庭，兩代情仇，顯現當名利與人性糾纏一起的時候，是那麼的具毀滅性。 忠直仁厚的當紅股票經紀方進新(劉松仁飾)與貧窮粗鄙的丁蟹(鄭少秋飾)相交數十年，卻被蟹衝動下殺死，從此方家一落千丈，新遺下四個子女，幸得羅惠玲(藍潔瑛飾)照顧，而蟹則流落台灣。 十多年後，進新長子展博(劉青雲飾)長大成人，但卻一直投閒置散。後得父舊友葉天(羅樂林飾)教誨，正欲發奮圖強之際，得悉蟹已潛逃返港，他誓要為父討回公道，奈何丁家兒子孝蟹(邵仲衡飾)，利蟹(陶大宇飾)等為黑社會大哥，勢力龐大。博幾經奔走，終使蟹被判極刑！但連串噩夢亦因而展開：先是幼妹敏(楊羚飾)不堪壓力而跳樓，甚至大妹芳(吳詠虹飾)以及曾與孝相戀之二妹婷(李麗珍飾)亦難逃厄運。至此，博唯有遠走台灣。 另一方面，蟹以患癌為理由，獲提早假釋出獄。雖失意於舊情人玲，事業卻一帆風順，更有意進軍股票界，時博得退休毒梟周濟生(劉江飾)，退休華探長龍成邦(曾江飾)之助，偕紅顏知己阮梅(周慧敏飾)及龍成邦之女龍紀文(郭藹明飾)回港，並聯同婷好友陳滔滔(林保怡飾)秘密部署，擬把股票市場變成宰殺丁蟹的屠場。
