［東方日報］劉松仁轉加拿大取景順便會舊情人

藝人劉松仁（松哥）現身電視城為新劇《華麗轉身》試造型，提到取消8月到越南取景一事，他坦言近日東南亞地區均發生事故，因此建議監製改到加拿大拍攝。問到是否不敢亂出埠？他笑謂：「公司話事啦，自己年紀大，剩低冇幾多年（命），犧牲唔係好多，後生嗰班就麻煩啲、大鑊啲，我最多唔見幾年啫，佢哋唔見幾十年。」

談到大陸、日本、台灣亦頻生斬人事件，松哥說：「美國都有，癡晒線啲人，好得人驚。（少啲去大陸拍劇？）冇得少，不過呢排開《華》劇都少啲機會去。」問去加拿大拍劇是否較安全？他笑謂：「去邊度都會中招㗎啦，係因為嗰度有舊情人，不過全部嫁晒人，我都係去見吓面，順道聚舊啫。」他又指兩年後回巢拍劇，全因與汪明荃兩年前約定，問是否回來救亡？他笑道：「唔係，如果係我就好值錢啦，都冇加我人工，我太貴啦！」

提到無綫最近愛重拍經典劇，會否考慮重拍《京華春夢》？松哥說：「太經典反而拍唔到，當時又人齊。（自己做番囉？）做乜？（自己設計個角色？）考慮吓啦。」