華麗轉身 Limelight Years

15/05/18《華麗轉身》華麗慶團圓

［am730］王梓軒幕後教路扮低能劉松仁：佢演得智障過我

劉松仁、汪明荃、王君馨及王梓軒等，昨日於將軍澳宣傳本周日大結局的劇集《華麗轉身》，席間眾演員提前慶祝父親節。王梓軒早前指自己在劇中的「發癲戲」是劉松仁教路，劉松仁聞言即稱，不是教他、只是分享經驗，更說怕王梓軒扮低能勝他。

王梓軒透露，自己在劇中的「發癲戲」獲劉松仁教導，劉松仁聞言後，即反駁說：「唔係教，係分享經驗，呢場戲較難處理，因為演時情緒要較激動，新演員掌握唔到由邊度開始，所以提提佢啫。(觀眾網上大讚你在《大時代》的『扮傻戲』是經典演出？)劇情唔同，唔可以攞嚟比較，佢嘅角色好難處理，好幸運佢一開始已經處理得唔錯，好似監製、導演同編審等，事前都有同佢傾過，我反而冇參與，仲好驚佢演得好過我。」

接劇睇是否缺錢

問劉松仁何時再為無綫拍劇，他續說：「隨緣啦，依家內地、台灣同新加坡三地都有人搵我演出，我會先拍台灣劇，然後再拍新加坡，(是否賺好多錢？)唔係噃！(酬勞肯定多過無綫啦？)唔同嘅，因為外面多數唔係做主角，(現階段拍劇是否不會再講錢？)同你哋唔講，同老闆會講，仲有同嗰排缺唔缺錢，(你都會缺錢？)缺㗎，(要那麼多錢來做甚麼？)做自己想做嘅事，又想退休、做少啲，所以要勤力賺錢。(有否想過幾時退休？)說吓咋，有好劇本、好對手仍然想拍劇。」

［東方日報］王梓軒癲出高收視

汪明荃、劉松仁、王梓軒、王君馨及趙希洛等昨日出席《華麗轉身》宣傳，其中王梓軒最近在劇中的表現獲外界讚好，阿姐早前更爆料指松哥指點梓軒演扮傻戲，對此松哥昨日謙稱：「唔使點教，佢處理角色好好，我只係提一提佢。（你喺《大時代》扮傻戲先經典。）劇情唔同，兩者唔應該作比較。佢一早已同導演、監製等討論角色，準備工作做得好足，我驚佢演得好過我。」

阿姐想開電影版

梓軒為《華》劇主題曲填上英文歌詞，並於昨日播放，期間王君馨感動落淚。對於梓軒翻唱其作品，阿姐大讚說：「首歌好靚，佢都好用心，英文詞寫得好好。」她指觀眾看電視的習慣已改變，故對《華》劇播放梓軒發狂臨死一幕，錄得30點收視感滿意。問會否開續集？阿姐說：「問公司啦。（你想？）唔使。（梓軒角色已死，佢想拍前傳喎。）係咩？可以拍電影版，佢咁新，做戲真係好好。」

松哥則表示內地、台灣及新加坡亦有工作向他招手，但否認錢包腫脹：「我都缺錢，想做自己想做嘅嘢，老咗乜都想做，我想退休、做少啲，所以要勤力啲（賺錢）。」

《武則天》增導讀

另外，《武則天》上周平均收視26點，周五最高28點，約180多萬觀眾收看，而由5月25日起，劇集播出前會先播放《武則天之眼淚的秘密》為觀眾導讀。

而大會原本安排阿姐與劉松仁華麗地安坐地上宣傳，不過阿姐上落時卻一度出現尷尬場面，感覺無論坐低起身都極有難度，要盡演員出力攙扶才能成功「過關」，場面搞笑。

［明報］阿姐坐梳化牀有難度松哥再拍無綫劇睇緣分

汪明荃、劉松仁、王梓軒昨出席無綫劇《華麗轉身》活動。松哥收到戲中仔女送的圍巾及梳化牀，作為父親節禮物。著連身裙的阿姐伴松哥坐梳化牀見難度，一度出現尷尬場面，眾演員即上前攙扶幫手解圍。現場又播出王梓軒翻唱劇集主題曲英文版片段，送給劇中母親阿姐。

阿姐於訪問大讚梓軒翻唱主題曲有心思﹕「他很用心，英文詞寫得好靚，如果唱英文仲紅。」對於劇集上周最高收視30點，阿姐指觀眾看電視習慣已改變，有這樣的收視是好事。會否開續集？她說﹕「要問公司，我就不用了，梓軒可以拍電影版，他做戲幾好。」松哥也認同梓軒演癲戲好﹕「我驚佢演得好過我！」松哥未知何時再拍無綫劇，要睇緣分，稍後將赴內地、台灣及新加坡拍戲。