備受力捧的跳舞歌手狄易達工作量激增，收入創入行以來新高！最近他首度拍劇，獲老戲骨劉松仁悉心指導，但他自評演技僅僅合格！

入行三年的狄易達今年工作不斷，除了拍戲、出碟及做主持外，最近還參演劇集《潛行狙擊》，與謝天華、陳法拉和劉松仁（松哥）合作，問到是否備受公司力捧？他說：「今年一下子多咗好多機會，都好嘅，我會把握每個機會。」他在《潛》劇中與松哥飾演父子：「我唔係好慣『跳拍』，不過松哥對我好好，會提早返廠同我對稿，仲教我點演。（壓力大？）一定有，第一次拍劇真係幾難！（自評幾多分？）僅僅合格咋！開頭演得生硬，後來習慣好多，融入個角色。」達仔直言工作量增多，荷包腫脹不少：「今年收入係入行以嚟最好。」他謂下月將推出EP，並表示不會放棄唱歌及跳舞。

怕醜仔搵女友

達仔入行至今予人乖乖仔形象，甚少鬧緋聞，談及感情狀況時，他一臉靦腆地說：「我唔係宅男，不過我嘅社交圈子通常係跳舞朋友，男仔Friend多啲，女性朋友反而唔多，不過依家又拍劇又拍戲，確係識多咗女仔。（拍拖？）我會搵吓喇！最好唔好跳舞啦！（年紀呢？）上下限係三歲，身材就唔需要好正好勁。」