男人之苦 Men In Pain
06/11/08［蘋果日報］蘇玉華「劉松仁脫胎換骨」
蘇玉華：我睇好《男人之苦》嘅劉松仁，睇到佢擺咗好多功夫演呢個角色，表現出乎意料之外，今次佢唔係做大俠或者靚仔，畀人感覺脫胎換骨。
李力持：鄭伊健雖然係電影卡士，但出嚟反應一般。鄭嘉穎喺TVB咁得寵，人緣又OK，應該都有機會。吳卓羲？叫佢搞吓緋聞算啦。我諗林文龍要諗吓計，令自己演出多啲變化，因為咁多年做嚟做去都係咁。陳豪其實我幾鍾意睇佢搞笑，但一路俾TVB疲勞轟炸，不過我睇好佢有力跑長途，假以時日一定掂。馬國明？呢個唔得罪得（馬為曾華倩緋聞男友）。
楊思琦：我細細個已經好鍾意睇鄭少秋做戲，連媽咪都係佢fans，所以我會揀《潮爆大狀》嘅秋官。佢係好戲之人，大家有目共睹，早年我同佢一齊拍過《血薦軒轅》，佢唔單止好戲，仲會教導後輩㖭。