劉松仁和楊怡在《名媛望族》的情慾戲成本周焦點，楊怡咬唇激吻再引誘松哥上床。完事後，楊怡赤膊在床上，松哥則在窗台食「事後煙」！前衞的松哥不當一回事，並稱演情慾戲冇底線。

在無綫劇《名媛望族》中，64歲的劉松仁與33歲的楊怡肉搏並無代溝。松哥昨日在電話中表示，這場情慾咬唇戲是表達女方對他又愛又恨：「其實呢啲戲我以前都有演，唔會當係一回事，古裝嘅電影都有性愛場面，呢啲只係交代夫妻間嘅生活情感，我同阿怡拍前都會溝通。（尷尬？）演戲係藝術創作，唔好當情慾片咁睇，咁問我，等如問一個畫家畫裸女有咩反應咁侮辱，集中談論情慾戲係低層次角度。」

對於有指他自編情慾戲？松哥說：「鍾意點寫咪點寫，佢哋一廂情願！」監製莊偉健昨日代為抱不平，指松哥冇改劇本；拍檔江美儀亦證松哥冇自編情慾戲。

接32宗投訴

而通訊局過去一周共收到32宗有關《名》劇的投訴，指太多情慾和吸煙場面、英語發音不準和不滿用皮草為劇中服飾。莊偉健稱不擔心被批為色情劇：「嗰幾場情慾戲係想表達男人喺當年嘅霸權。」

此外，《雷霆掃毒》過去一周，通訊局亦接獲14宗投訴，指輪姦情節被Cut及不滿以輪姦戲增加收視。
文：影視組