藝人泰臣近日除忙於拍劇外，更擔任舞台劇《百年人海》導演，亦邀請劉松仁擔任劇組顧問。日前二人為舞台劇拍攝宣傳影片，未埋位時已經「密密傾」劇本，松哥笑指多年來已學懂「抽離」，今次未有趁機發掘「徒弟」：「我做戲做完就係做完，每次跟項目都很大壓力，因為我要思考諗到『頭都爆』，要代入觀眾嘅角度發現問題，同時要諗定點解決！」

松哥表示未曾與泰臣合作，但曾觀看對方舞台劇演出留下深刻印象：「之後睇佢喺TVB做戲，覺得佢好突出，留低一個好好印象俾我。我唔知佢做導演嘅功力有幾多，但見到佢好投入、好認真。」

泰臣表示喜獲松哥認同，定必使出渾身解數，更自爆想邀對方出山任劇組旁白：「我有問佢啊，但佢冇覆我！不過佢剛剛話『賣關子』先，即係都仲有彎轉有機會嘅！今次素人劇組比咗好大驚喜我，除咗松哥比好多意見我地，仲有唔同界別精英幫忙，真係發掘唔少寶藏！」

泰臣’s Facebook

與劉松仁先生的一席話。鏗鏘有力的話句，堅定真摯的態度，流露着他對人生參透出的智慧和哲理，讓我拜服，受教了

我：松哥，我有冇少少氣質演到陸小鳯呢？

：⋯⋯