［東方日報］林峰死撐有早冇遲

宣萱及馬德鐘（Joe）昨日於比華利山別墅為《歲月風雲》拍攝結婚場面，已多次穿婚紗的宣萱坦言沒感覺，將來結婚都一切從簡。而早前有報道指林峯因遲到令宣萱不滿，昨日二人首次碰頭，有講有笑，更大方合照。

昨日拍結婚大場面，全劇主要演員差不多到齊，而一對新人宣萱及Joe則穿著白色婚紗及禮服接受眾人祝福。二人合作多次，古裝及時裝劇中都行過婚禮，宣萱笑言已沒甚感覺，她說：「一聽到就頭赤，今日呢件婚紗都算好，簡簡單單，而且難得齊人，陽光又好，好似嚟度假咁！（將來婚禮會否大搞？）唔會！我鍾意簡單啲，請啲親戚朋友食飯就算！（會公開嗎？）有人問咪講，我從來都冇秘密。」不過宣萱仍是單身，因為冇時間覓另一半，她說：「邊得閒呀！拍完先算，呢套劇都要拍到四月，（可以同時進行啫？）識咗都要時間相處，依家約人食飯都冇時間。」至於Joe則謂與太太結婚時沒有影結婚相，他說：「嗰陣我哋做model，成日著婚紗、禮服行show，真係著到厭。」

梁靖琪情人節開P

此外，早前有報道指林峯遲到令宣萱不滿而罷拍，兩人昨日見面有傾有講，亦大方影合照，宣萱表示是是非非不想再提，而林峯則坦言二人碰頭沒尷尬，他說：「我哋不嬲都冇嘢！成個月都冇遲到，為咗唔再有呢啲新聞，自己情願辛苦少少，早啲到等人，免被人冤枉。」

而此劇演員農曆年初一到初三都有假期，宣萱表示父母自北京返港，會留在家中與他們打麻雀，她說：「輸咗冇所謂，又唔會傷感情。」而苗僑偉則表示前日已去元朗買桃花，而每年年三十晚他都會到花墟買劍蘭，取個好意頭。至於梁靖琪則謂不論情人節及新年都會陪家人，更謂有意與一班單身朋友情人節齊齊開派對呢！

astro

娛樂新聞報道